എനിക്ക് ചുറ്റും തീഗോളങ്ങള്‍ തീര്‍ത്തത് നിങ്ങളാണ്..
എന്‍റെ മോഹങ്ങള്‍ ചില്ല് കൂട്ടിലടച്ചതും..
സ്വര്‍ണ നിറമുള്ള എന്‍റെ സ്വപ്നങ്ങള്‍ക്ക്
കറുപ്പ് നിറം ചാലിക്കുമ്പോള്‍
നിങ്ങളറിയാതെ പോയി...
കനലില്‍ നിന്നും കവിയുണരുമെന്ന് ...
തീഗോളങ്ങള്‍ക്ക് മുകളില്‍ പേമാരിയായ്
കവിത പെയ്തിറങ്ങും എന്ന്..
ചില്ല് കൂട്ടില്‍ കിടന്നെന്റെ മോഹങ്ങള്‍
മയില്‍പീലിപോല്‍ ഇരട്ടിക്കുകയാണെന്ന്..
ഉരുകുന്ന അക്ഷരങ്ങള്‍
ഓര്‍മിപ്പിക്കുന്നത്‌ ഒന്ന് മാത്രം..
കനലില്‍ നിന്നും കവിയുണരുന്നു....
സ്നേഹപൂര്‍വ്വം,
ഫിറോസ്‌
